А ў полi вярба нахiлёная, ноты, аккорды, тексты

А ў полi вярба 
Нахiлёная, 
Маладая дзяўчынонька 
Заручоная. 

Заручоная
I запiтая, 
Тады яе запiвалi
Як сад зацвiтаў. 

Як сад зацвiтаў, 
Як зара ўзыйшла, 
Маладая дзяўчынонька 
Па ваду iшла. 

Кася ад вады, 
Яся да вады: 
- Пастой, пастой, мая Кася,
Дай каню вады. 

- Як буду твая, 
Напаю каня, 
З зiмненькае крынiчэнькi,
З поўнага вядра. 

Белорусская народная песня